(روزنامہ قدس ۔آن لائن خبر رساں ادارہ) حماس رہنما کی برسی کے موقع پر عسکری دفاعی صنعت کی نمائش کا مقصد عوام میں فلسطین پر قابض صہیونیوں سے اپنے وطن کی آزادی کیلیے جدوجہد کو جاری رکھنےکے عزم کو تقویت دینا تھا۔
ذرائع کے مطابق گذشتہ روز مقبوضہ فلسطین میں صہیونی ریاستی دہشت گردی کے خلاف برسر پیکا ر اسلامی تحرک مزاحمت حماس کی جانب سےشہید حماس رہنما احمد الجباری کی نویں برسی کے موقع پر غزہ کی پٹی میں عسکری ونگ القسام بریگیڈز کے ایک فوجی مقام پرعسکری دفاعی صنعت کی نمائش کا اہتمام کیا گیا۔
حریک حماس نے صہیونی ریاست اسرائیل کے خلاف ماضی کی لڑائیوں میں استعمال ہونے والے فوجی جاسوس طیاروں، میزائلوں اورمشین گنوںسمیت حالیہ کامیابی سے ہمکنار ہونے والے ڈرونزکی نمائش کی، شہداء کی یاد میں کی جانے والی اس نمائش کا مقصد فلسطینی عوام میں فلسطین پر قابض صہیونیوں سے اپنے وطن کی آزادی کیلیے جدوجہد کو جاری رکھنےکے عزم کو تقویت دینا تھا۔
خیال رہے کہ صہیونی فوج کے ہاتھوں غزہ کے 20 لاکھ سے زائد فلسطینی 15 سالوں سے غیر قانونی محاصرے کا شکار ہیں اوربیرونی دنیا سے مسلسل کٹے رہنے کی وجہ سے غزہ بھوک اور افلاس کے باعث شدید معاشی مشکلات کا شکار ہے۔