(روز نامہ قدس ۔آنلائن خبر رساں ادارہ ) صیہونی حکومت نے مظاہرین کو ڈرون طیارے سے گیس بم کا نشانہ بنایااور اس دوران مظاہرین پر فائرنگ کرنے والا ایک ڈرون گرگیا جسے مشتعل مظاہرین نے کچل کر تباہ کر دیا۔
تفصیلات کے مطابق گذشتہ روز مقبوضہ فلسطینی محصورعلاقہ غزہ میں فلسطینی کاشت کاروں کی جانب سےاقوام متحدہ کے دفتر کے سامنے احتجاجی مظاہرہ کیا گیاجس میں فلسطینی کاشت کاروں نےاقوام متحدہ سے مطالبہ کیا کہ وہ اپنی اشیاء غرب اردن بھجوانا چاہتے ہیں تاہم صیہونی حکومت اس راہ میں رکاوٹ بنی ہوئی ہے جس کا نوٹس لیا جائے۔
فلسطینی کاشت کاروں نے احتجاجی مظاہرے میں صہیونی حکمرانوں کےخلاف غزہ میں زرعی اشیاء کی برآمدات پر پابندی عائد کرنے کے خلاف زبردست نعرے بازی کی تاہم صیہونی حکومت نے مظاہرین کو ڈرون طیارے سے گیس بم کا نشانہ بنایااور اس دوران مظاہرین پر فائرنگ کرنے والا ایک ڈرون گرگیا جسے مشتعل مظاہرین نے کچل کر تباہ کر دیا۔