غزہ پر اسرائیلی حملے میں معصوم بچے جاں بحق ہوئے، اسرائیلی میڈیا کا اعتراف

(روز نامہ قدس ۔آنلائن خبر رساں ادارہ ) غزہ پر صہیونی وحشیانہ بمباری  میں 6 خواتین اور5 بچوں سمیت 50 فلسطینی شہری شہید ہوئے جبکہ 360 سے زیادہ  زخمی ہوئے  جن میں سے اکثریت کی حالت تشویشناک ہے۔

صہیونی ریاست اسرائیل کے میڈیا  نے اسرائیل کے دفاعی حکام کے حوالے سے تصدیق کی ہے حالیہ  غزہ پر اسرائیلی وحشیانہ بمباری  میں  پانچ فلسطینی بچے شہید ہوئے ہیں  تاہم اسرائیلی دفاعی حکام کی جانب سے اعتراف کیے جانے کے بعد اسرائیل کے فوجی حکام کے بیان میں تضاد سامنے آیا ہے۔

یہ بھی پڑھیے

اسرائیلی دہشتگردی میں شہید فلسطینی بچوں کے وحشیانہ قتل کے خلاف احتجاجی مظاہرہ

میڈیا رپورٹس کے مطابق اسرائیلی میڈیا کا کہنا ہےکہ دفاعی ذرائع نے بتایا کہ اس معاملے کی تحقیقات کرائی گئی ہیں جس میں یہ بات سامنے آئی کہ 7 اگست کو شمالی غزہ پر مہاجرین کے کیمپوں کے قریب اسرائیلی فضائی حملے میں 5 بچے جابحق ہوئے

دوسری جانب اسرائیلی فوجی حکام نے یہ دعویٰ  بھی کیا تھا کہ بچوں کی ہلاکتیں ممکنہ طور پر مزاحمتی تحریکوں کے راکٹ حملوں سے ہوئی ہیں۔