(روز نامہ قدس ۔آنلائن خبر رساں ادارہ ) صہیونی فضائیہ کی غزہ کی پٹی میں بمباری کے نتیجے میں بچوں سمیت درجنوں افراد کے علاوہ حماس کے ایک سینئر کمانڈربھی شہید ہوگئے۔
ذرائع کےمطابق مقبوضہ فلسطینی محصور علاقے غزہ کی پٹی میں گذشتہ روز سے جاری اسلامی مزاحمتی تحریک حماس اورقابض صہیونی فوج کے مابین لڑائی میں اسرائیلی فوج نے شدید بمباری اور زمینی گولہ باری کی جس کے نتیجےمیں بچوں سمیت 24 فلسطینی شہید جبکہ تنظیم حماس کے سینئر کمانڈر محمد عبداللہ فياض کی شہادت کی خبر موصول ہوئی ہے۔
واضح رہے کہ مقبوضہ بیت المقدس میں مسجد الاقصیٰ کے احاطے میں بھی ایک مرتبہ پھر فلسطینیوں اورقابض صہیونی پولیس اور فوج کے درمیان دوبارہ جھڑپیں شروع ہوگئی ہیں اور صہیونی فورسز کی جانب سے طاقت کا بدترین استعمال کیا جارہا ہے اور بھاری مقدار میں فلسطینی شہریوں پرآنسو گیس اور ربر کی گولیاں برسائی جارہی ہیں جس کے باعث بڑی تعداد میں فلسطینیوں کےزخمی ہونے کی اطلاعات ہیں۔