(روزنامہ قدس ۔آن لائن خبر رساں ادارہ) زیاد النخالہ نے کہا کہ صہیونیوں کے یہ مظالم فلسطین کے فرزندوں سمیت مزاحمت کاروں کے درمیان، جہاد اور استقامت کے ارادے اور جذبے کو کمزور نہيں کر سکتا۔
مقامی خبر رساں ادارے کے مطابق فلسطین کی جہاد اسلامی تحریک کے سکریٹری جنرل زیاد النخالہ نے مقبوضہ مغربی کنارے کےعلاقے جنین میں واقع سیلہ الحارثیہ قصبےمیں دو فلسطینی قیدیوں کے گھروں کی صہیونی فوج کے ہاتھوں تباہی کی شدید الفاظ میں مذمت کرتے ہوئے کہا ہے کہ قابض حکمران سمجھتے ہیں کہ اس قسم کے ہتھکنڈوں سے وہ ہمارے جذبہ جہاد کو ختم کر دینگے تو یہ ان کی خام خیالی ہے۔
زیاد النخالہ نےمزید کہا کہ استقامت کے قلعے جنین میں جہاد اسلامی کے مجاہدین اور مزاحمت کاروں کے گھروں کی مسماری، فلسطینی عوام اور تحریک کے درمیان تعلق کو مزید مضبوط کرتا ہےجبکہ صہیونیوں کے یہ مظالم فلسطین کے فرزندوں سمیت مزاحمتکاروں کے درمیان، جہاد اور استقامت کے ارادے اور جذبے کو کمزور نہيں کرسکتا۔
واضح رہے کہ قابض صہیونی فوجیوں نے ایک روز قبل فلسطینی اسیران محمد جرادات اور غیث جرادات کے گھروں کو بھاری بلڈوزروں اور دھماکہ خیز مواد سے اڑا دیا تھا جس کے نتیجے میں ان قیدیوں کے خاندان اپنے آبائی گھروں سے محروم ہو گئے ہیں۔