(روزنامہ قدس ۔آن لائن خبر رساں ادارہ) فلسطینی شہری نے قابض فوج کی فلسطینیوں پر مظالم کی بڑھتی ہوئی کارروائیوں کے نتیجے میں انتقامی کارروائی کر تے ہوئے صہیونی فوجی اہلکار پر حملہ کیا۔
ذرائع کے مطابق گذشتہ روز مقبوضہ فلسطین میں شمال مغربی رام اللہ میں واقع ایک صہیونی حلیمش نامی یہودی کالونی کےنزدیک گاڑی میں سوار فلسطینی شہری نے 1صہیونی فوجی کو جہنم واصل کر نے کے لیے اپنی گاڑیکا نشانہ بنایا اور اس پر تیز رفتار گاڑی چڑھادی جس کے نتیجے میں صہیونی اہلکار بری طرح زخمی ہوگیا۔
قابض فوج کی فلسطینیوں پر مظالم کی بڑھتی ہوئی کارروائیوں کے نتیجے میں فلسطینی نےصہیونی اہلکار پر انتقاماً حملہ کیا تاہم اوبل اسٹرا ماڈل کی سرخ رنگ کی گاڑی سےزخمی ہونے والے اہلکار کو صہیونی فوج کے دیگر سپاہیوں نے فوری طور پر ہسپتال منتقل کیا اور علاقے کو سیل کر کےحملہ آور فلسطینی شہری کو گرفتار کر لیا ہے۔
اب تک کی معلومات کے مطابق صہیونی فوجی پر گاڑی چڑھانے والے فلسطینی شہری کا نام اور اسے تفتیش کے لیے کونسے صہیونی مرکز لے جایا گیا ہے تاحال سامنے نہیں آسکاہے۔