(روزنامہ قدس ۔آن لائن خبر رساں ادارہ) حماس کی قیادت نے کہا کہ وصفی قبھا نے دشمن کے خلاف جنگ لڑی، قربانیاں دیں، فلسطینی عوام ان کی بہادری کے گواہ ہیں انہوں نے صہیونی مظالم کے سامنے ثابت قدمی دکھائی اور آخر کار شہید ہو کراپنے رب سے جا ملے۔
تفصیلات کے مطابق مقبوضہ فلسطین میں صہیونی ریاستی دہشتگردی کے خلاف برسر پیکاراسلامی تحریک مزاحمت حماس کی جانب سے سینئر رہنما وصفی قبھا کی وفات پر گہرے دکھ اور افسوس کا اظہار کر تے ہوئےکہا کہ وصفی قبھا ایک قومی لیڈر تھے اور ان کی قوم اور قضیہ فلسطین کے لیے خدمات کو ہمیشہ یاد رکھا جائےگا۔
فلسطینی رہنما کے نماز جنازہ میں ہزاروں فلسطینیوں سماجی و سیاسی اہم شخصیاتسمیت حماس کے اعلیٰ عہدیداران کی بڑی تعداد نے شرکت کی، وصفی قبھا کورونا وائرس کی عالمی وباء سے متاثر ہوکر ہسپتال میں زیر علاج تھے جہاں دو روز قبل ان کا انتقال ہو گیا۔ حماس کی قیادت نے انہیں بھر پور خراج عقیدت پیش کرتے ہوئے کہا کہ سابق وزیر وصفی قبھا اپنی تقاریر، موقف اور اپنے انداز کی وجہ سے منفرد لیڈر تھے۔
انہوں نے کہا کہ وصفی قبھا نے دشمن کے خلاف جنگ لڑی، قربانیاں دیں، فلسطینی عوام ان کی بہادری کے گواہ ہیں انہوں نے صہیونی مظالم کے سامنے ثابت قدمی دکھائی اور آخر کار شہید ہو کراپنے رب سے جا ملے۔