(روز نامہ قدس ۔آنلائن خبر رساں ادارہ ) صہیونی ریاستی دہشتگردی کے خلاف صہیونی جیل میں فلسطینی قیدی کی بہ طور احتجاج بھوک ہڑتال 89 ویں روز میں داخل، ہسپتال میں قیدی کی حالت بدستورتشویشناک ہے۔
مقبوضہ فلسطین میں قیدیوں کے امور سے متعلق کمیٹی برائے فلسطینی اسیران قیدی کلب کی جانب سے جاری بیان کے مطابق صہیونی انتظامی حراست کی غیر قانونی پالیسی کے تحت صہیونی جیلوں میں قید کیے گئے بے گناہ فلسطینیوں میں مقداد قواسمی89 روز سےمسلسل جاری بھوک ہڑتال کےباعث ہسپتال میں زندگی اور موت کی کشمکش میں مبتلا سنگین صورت حال سے دو چار ہے۔
قیدی کلب کی جانب سے عالمی برادری سے مطالبہ کیا گیا ہے کہ وہ صہیونی حکام کی بے حسی کے نتیجے میں موت کے قریب جانے والے فلسطینی کی رہائی کے لیےصہیونی حکام پر دباؤ ڈالتے ہوئے اسیر کی فوری رہائی کو ممکن بنائے۔
خیال رہے کہ قابض ریاست کی صہیونی جیل میں قید فلسطینی اپنی غیر قانونی حراست کے خلاف جاری بھوک ہڑتال کو رہائی تک جاری رکھنے کے فیصلے پرتاحال قائم ہے۔