(روزنامہ قدس ۔آن لائن خبر رساں ادارہ) فلسطینی کی گولیوں سے ہلاک ہونے والے صہیونی اہلکار کا نام ایلیا ہو ڈیوڈ بتایا جارہا ہے جو حال ہی میں جنوبی افریقہ سے فلسطین میں صہیونی بستیوں کی حفاظت کی تعیناتی فورس میں شامل ہوا تھا۔
تفصیلات کے مطابق گذشتہ روز مقبوضہ بیت المقدس کے پرانے شہر میں فلسطینی شہری فادی ابو شخیدم نےمشین گن سے قابض ریاست اسرائیل کے فلسطینیوں پر جاری مظالم کے خلاف صہیونی فوجیوں کو نشانہ بنایا جس کے نتیجے میں ایک صہیونی فوجی موقع پر ہلاک ہوگیا جبکہ 4 شدید زخمی ہو گئے۔
فلسطینی کی گولیوں سے ہلاک ہونے والے صہیونی اہلکار کا نام ایلیا ہو ڈیوڈ بتایا جارہا ہے جو حال ہی میں جنوبی افریقہ سے فلسطین میں صہیونی بستیوں کی حفاظت کی تعیناتی فورس میں شامل ہوا تھا اور مقبوضہ فلسطینی شہر رام اللہ میں صہیونی غیر قانونی بستی مودیین میں رہائش پزیر تھا۔
دوسری جانب قابض صہیونی اہلکاروں پر گولیاں چلانے والا فلسطینی شہری فادی ابو شخیدم بھی اسرائیلی فوج کی جوابی فائرنگ سے جام شہادت نوش کر گیا ہے۔
واضح رہے کہ پچھلے 4 روزکے اندر مقبوضہ بیت المقدس میں صہیونی فوجیوں پر فلسطینیوں کی جانب سے یہ دوسرا حملہ ہے۔