(روزنامہ قدس ۔آن لائن خبر رساں ادارہ) صہیونی جیل حکام نے ھشام کو الرملہ جیل کے کلینک میں ان کی صحت کی خرابی کے باوجود قید رکھا ہوا ہےاور اسرائیلی فوجی عدالت نے ان کی غیر قانونی حراست میں بغیر کسی الزام یا مقدمے کے چوتھی بار توسیع کا فیصلہ کیا ہے۔
ذرائع کے مطابق مقبوضہ فلسطین میں مزاحمتی تنظیم اسلامی جہاد کے سر پرست سپریم کمیشن نے اپنے جاری ایک بیان میں کہا ہے کہ صہیونی جیل میں غیر قانونی انتظامی حراست کے تحت بغیر مقدمے اور کسی الزام کے سزا کاٹنے والے اسیر ھشام ابو ھواش کی احتجاجی بھوک ہڑتال 118 ویں روز میں داخل ہوچکی ہے جس کے باعث اسیر کی زندگی شدیدخطرے میں ہے ، کسی بھی وقت انسانی المیہ وقوع پزیر ہوسکتا ہے اور یہ دیکھ کر فلسطینیوں کے صبر کا پیمانہ لبریز ہو رہا ہے۔
کمیشن نے ابو ھواش کی زندگی کا ذمہ دار اسرائیلی جیل سروس کو ٹھہرایا ہے اور کسی بھی خطرناک صورت حال کا ذمہ دار صہیونی جیل انتظامیہ سمیت اسرائیلی عدالت پر عائد کر تے ہوئے کہا ہے کہ تحریک فلسطینی اسیران کو تنہا نہیں چھوڑے گی۔
واضح رہے کہ صہیونی جیل حکام نے ھشام کو الرملہ جیل کے کلینک میں ان کی صحت کی خرابی کے باوجود قید رکھا ہوا ہےاور اسرائیلی فوجی عدالت نے ان کی غیر قانونی حراست میں بغیر کسی الزام یا مقدمے کے چوتھی بار توسیع کا فیصلہ کیا ہے۔