(روز نامہ قدس ۔آنلائن خبر رساں ادارہ ) انسانی حقوق کی تنظیموں،سول سوسائٹی اور سیاسی جماعتوں کی جانب سے پیپلز فرنٹ کی رہنما خالدہ جرارکی رہائی کیلیے مظاہرے شروع کیےگئے ہیں اور عالمی برادری سے مطالبہ کیا جا رہا ہے کہ وہ خالدہ جرار کو اسرائیلی جیل سے رہائی دلوانے میں اپنا کردار ادا کرے تاکہ وہ فوت ہونے والی اپنی بیٹی سھی کے جنازے میں شرکت کرسکیں۔
تفصیلات کے مطابق اسرائیلی جیل دامون میں گذشتہ 2 سالوں سے زیر حراست فلسطینی خاتون رکن پارلیمنٹ خالدہ جرارجن پر اسرائیل مخالف سیاسی سرگرمیوں میں حصہ لینے کے الزامات ہیں کی بیٹی سھی کے حرکت قلب بند ہوجانے کے باعث انتقال پر جنازے میں شرکت کے لیے فلسطین میں انسانی حقوق کی تنظیموں نے عالمی سطح پرمہم شروع کی ہے جس میں اسرائیل سے مطالبہ کیا جا رہا ہے کہ خالدہ جرارکو ان کی بیٹی کے جنازے میں شرکت کی اجازت دے۔
مزید تفصیلات کے مطابق انسانی حقوق کی تنظیموں،سول سوسائٹی اور سیاسی جماعتوں کی جانب سے پیپلز فرنٹ کی رہنما خالدہ جرارکی رہائی کیلیے مظاہرے شروع کیےگئے ہیں اور عالمی برادری سے مطالبہ کیا جا رہا ہے کہ وہ خالدہ جرار کو اسرائیلی جیلوں سے رہائی دلوانے میں اپنا کردار ادا کرے تاکہ وہ فوت ہونے والی اپنی بیٹی سھی کے جنازے میں شرکت کرسکیں۔
خیال رہے کہ فلسطینی خاتون رکن پارلیمنٹ خالدہ جرار کی رہائی کے لیےسوشل میڈیا پر بھی مہم جاری ہے خالدہ جرار صہیونی جیل میں 2019 اکتوبرسے پابند سلاسل ہیں اور انہیں رواں سال اکتوبر میں رہا کیے جانے کا امکان ہے۔