(روزنامہ قدس ۔آن لائن خبر رساں ادارہ) صہیونی فوج نے صحافی کے چہرے اور سر کپر بندوق کے بٹوں سے حملہ کر دیا جب وہ 20 افراد پر مشتمل فلسطینی خاندان کے گھر کی مسماری کے خلاف جاری احتجاج کی کو ریج کر رہا تھا۔
ذرائع کے مطابق گذشتہ روز مقبوضہ بیت المقدس کے پڑوس میں واقع الشیخ جراح میں صہیونی فوج نے اس وقت فلسطینی صحافی محمود علیان پر بندوق کے بٹوں سے حملہ کر دیا جب وہ ایک20 افراد پر مشتمل فلسطینی خاندان کے گھر کو خالی کرانے کے نوٹس کے خلاف احتجاجی مظاہرے کی کوریج کر رہے تھے۔
صہیونی فوج نےفلسطینی خاندان کے ساتھ اظہار یکجہتی کر نے والے سینکڑوں مظاہرین سمیت صحافیوں پر بھی بدترین تشدد کیا جبکہ صحافی علیان کو صہیونی فوجی گاڑی میں ڈال کر اسرائیلی فوج کے تفتیشی مرکز منتقل کر دیاہے۔
واضح رہے کہ قابض فوج نے فلسطینیوں سے گھرکو جبری طور پر خالی کرانے کےلیے 1 ماہ کا نوٹس دیا ہےجس کے بعد اس خاندان کو ان کے آبائی گھر سے جبری بے دخلی کاسامنا ہوگا۔