(روزنامہ قدس ۔آنلائن خبر رساں ادارہ) فلسطینی کی گاڑی کی ٹکر سےصہیونی پولیس اہلکار شدید زخمی ہوگئے جن میں سے ایک ہسپتال منتقلی کے دوران ہلاک ہوگیا جبکہ دوسرے کی حالت بھی خطرے میں بتائی جاتی ہے۔
اسرائیل کے عبرانی نشریاتی ادارے کان کے مطابق گذشتہ روز مقبوضہ فلسطین کے شمالی قصبے النہاریہ کے قریب اسرائیلی پولیس نے ایک شخص کو گرفتار کیا ہے جس کی گاڑی کی ٹکر سے 2صہیونی پولیس اہلکار شدید زخمی ہوگئے جن میں سے ایک اہلکار ہسپتال منتقلی کے دوران ہلاک ہوگیا جبکہ دوسرے کی حالت بھی خطرے میں بتائی جاتی ہے۔
مزیدمعلومات کے مطابق صہیونی پولیس نے گرفتار ہونے والے فلسطینی پر الزام عائد کیا ہے کہ اس حادثے کی کارروائی سے قبل گرفتارفلسطینی مقبوضہ مغربی کنارے سے 1948 کے زیر قبضہ علاقوں میں فلسطینی مزدوروں کو غیر قانونی طور پر منتقل کرنے کے الزام میں پولیس کو مطلوب تھا، صہیونی پولیس نے فلسطینی کو حراست میں لیتے ہوئے صہیونی تفتیشی مرکز منتقل کر دیا ہے۔