(روز نامہ قدس ۔آنلائن خبر رساں ادارہ ) اسرائیلی ذرائع کا کہنا ہے کہ اسرائیل بھی ایران کے خوف سے اس دورے کو بغیر کسی اعلان کے فی الحال منسوخ کرنا چاہتا تھا۔
فلسطینی پر قابض غیر قانونی صیہونی ریاست اسرائیل کی معروف عبرانی نیوز ویب سائٹ "واللا” نے اپنی رپورٹ میں اسرائیلی ذرائع کے حوالے سے انکشاف کیا ہے کہ رواں سال جنوری میں صیہونی وزیراعظم نیتن یاھو نے متحدہ عرب امارات کا دورہ کرنا تھا جس کو فی الحال ایران کے خوف کے باعث منسوخ کردیا گیا ہے ۔
رپورٹ کے مطابق نیتن یاھو کے دورے کی منسوخی ایران کے ساتھ تناؤ میں اضافے کے خوف کی وجہ سے کی گئی ہے، رپورٹ میں بتایا گیا ہے کہ بیجمن نیتن یاہو کے دفتر نے اس دورے کی منسوخی کی وجہ غیر معمولی مصروفیات اور لاجسٹک کے مسائل کو قرار دیا گیا ہے تاہم تین اسرائیلی سینیر عہدیداروں کے حوالے سے بتایا کہ اماراتیوں کو خوف ہے کہ نیتن یاہو ایران کے خلاف عوامی سطح پر گفتگو کرے گے اس کے لیے ان کی سرزمین استعمال کی جائے گی جس کے لئے متحدہ عرب امارات راضی نہیں ہے۔
متحدہ عراب امارات کو نیتن یاہو کے طرز عمل سے خدشہ ہے ، جس سے ایران کے ساتھ متحدہ عرب امارات کے درمیان مسائل پیدا ہوسکتے ہیں۔
واضح رہے کہ یہ صیہونی وزیراعظم نیتن یاھو کے دورے کی منسوخی اپنی نوعیت کا پانچواں واقعہ ہے۔حالانکہ امارات اور اسرائیل نے دو سال قبل دو طرفہ تعلقات استوار کرنے کے معاہدے پر دستخط کیے تھے۔