(روز نامہ قدس ۔آنلائن خبر رساں ادارہ ) صہیونی مظالم کو دنیا کے سامنے لانے سے روکنے کے لئےگوگل نے اسرائیل سے آرٹیفیشل انٹیلی جنس اور نگرانی سے متعلق ایک ارب ڈالر کا معاہد کیا۔
غیر ملکی خبررساں ادارے کی رپورٹ کے مطابق ائیریل کورین نے پراجیکٹ نمبس نامی ایک پروگرام پر ایمیزون اور اسرائیلی فوج کے ساتھ گوگل کے 1.2 بلین ڈالر کے تعاون پر احتجاج کیا۔
I am leaving @Google this week due to retaliation & hostility against workers who speak out. Google moved my role overseas immediately after I opposed its $1B AI/surveillance contracts with Israel. And this is far from an isolated instance.https://t.co/V4y05kOYQv pic.twitter.com/eRMrzTPYfb
— Ariel Koren (@ariel_koko) August 30, 2022
عالمی شہرت یافتہ سرچ انجن گوگل کی مارکیٹنگ مینجر ائیریل کورین نے سماجی رابطوں کی ویب سائٹ ٹوئٹر پر گوگل کو خیر باد کہہ دیا ہے ، اپنی پوسٹ میں انھوں نے لکھا کہ جب انھوں نے غیر قانونی صہیونی ریاست اسرائیل کے ساتھ ایک ارب ڈالر کا آرٹیفیشل انٹیلی جنس اور سرویلنس معاہدے پر آواز اٹھائی تو گوگل انتظامیہ نے مجھے خاموش کرنے کے لیے میری ذمہ داریاں ہی بدل ڈالی۔
انھوں نے کہا کہ میں گوگل کا گذشتہ سات سالوں سے حصہ ہوں اور اس کی ترقی میں میرا نتہائی اہم کردار ہے تاہم اسرائیل کے ساتھ تعلقات پر احتجاج پر آرگنائزیشن کی جانب سے ردعمل غیر متوقع اور افسوسناک ہے ۔