(روز نامہ قدس ۔آنلائن خبر رساں ادارہ ) مقبوضہ بیت المقدس میں فلسطینی نوجوان نے اسرائیلی فوجیوں پرگاڑی چڑھا دی جس کے نتیجے میں 7 فوجی شدید زخمی ہو گئے ہیں۔
عرب ذرائع ابلاغ کے مطابق اسرائیلی فوجیوں نے گاڑی چڑھانے والے فلسطینی نوجوان کو گولیاں مار کر شہید کردیا ہے۔
عرب میڈیا کے مطابق یہ واقعہ مقبوضہ بیت المقدس میں شیخ الجراح جانے والی سڑک پر پیش آیا جہاں قائم چیک پوسٹ سے فلسطینی نوجوان نے گاڑی ٹکرادی۔
میڈیا کے مطابق گاڑی کی ٹکر سے 7 اسرائیلی فوجی شدید زخمی ہوئے ہیں جنہیں اب تک کی اطلاعات کے مطابق علاج کے لیے اسپتال منتقل کردیا گیا ہےتاہم غاصب حکام کی جانب سے فلسطین میں اسرائیلی افواج کے حملے جاری ہیں جن میں غزہ میں33 اور غرب اردن میں 21افراد کے شہید ہونے کی اطلاعات ہیں۔
دوسری جانب اسلامی ممالک کی سربراہی میں او آئی سی کے اجلاس میں اسرائیل کے خلاف مذمتی قرارداد منظور کر لی گئی ہے