(روز نامہ قدس ۔آنلائن خبر رساں ادارہ )بھارت کے غیر قانونی زیر قبضہ جموں وکشمیر میں نریندر مودی کی فسطائی بھارتی حکومت کی طرف سے انسداد تجاوزات کی نام نہاد مہم کے نام پر کشمیریوں کو انکی زمینوں اور دیگر املاک سے محروم کرنے کی شدید مذمت کی ہے۔
کشمیر میڈیاسروس کے مطابق ورلڈ فورم فار پیس اینڈ جسٹس’کے چیئرمین ڈاکٹر غلام نبی فائی نے واشنگٹن میں جاری ایک بیان کہا کہ بھارتی حکومت مقبوضہ علاقے میں بھارتی ہندوئوں کو بسانے کیلئے کشمیریوں کی203,264 ایکڑ سے زائد اراضی کو ضبط کرنے کی کوشش کر ہی ہے ۔ انہوں نے کہا کہ بی جے پی حکومت نے اپنے اس مذموم منصوبے کی تکمیل کیلئے متعدد قوانین میں ترمیم کی ہے جنکے ذریعے مقبوضہ علاقے میں مقامی آبادی کی اراضی اور دیگر حقوق کو تحفظ حاصل تھا۔
انہوں نے کہا کہ کشمیریوں کی زمینوں پر قبضے کی مہم کا واحدمقصد کشمیری مسلمانوں کو اپنی ہی سرزمین پر بے گھر کرنا اور انکی اکثریت کو اقلیت میں بدلنا ہے۔ انہوںنے کہا کہ بیرون ممالک مقیم کشمیری بھی اس ظالمانہ مہم کے خلاف سخت سراپا احتجاج ہے۔