(روز نامہ قدس ۔آنلائن خبر رساں ادارہ ) ہوٹل انتظامیہ کا رویہ انتہائی تذلیل آمیز تھا مجھے انتہائی ذلت کا احساس ہوا جس کے باعث فوری طورپر مصر کو چھوڑ کر فرانس روانہ ہوگئ۔
غیر قانونی صیہونی ریاست اسرائیل کے میڈیا نے خبر دی ہے کہ گذشتہ روز مصر میں ایک ہوٹل انتظامیہ نے امریکی ریپر کے وفد کے ساتھ آنے والی اسرائیلی ماڈل ر پر شے ژانکوکو اس وقت ہوٹل سے نکل جانے کا کہا گیا جب انتظامیہ کو خبر ہوئی کے امریکی ریپر ٹریوس اسکاٹ کے ساتھ ایک اسرائیلی ماڈل بھی آئی ہیں، ماڈل کی قومی شناخت جاننے کے بعد ہوٹل انتظامیہ کی جانب سے انہیں فوری ہوٹل سے جانے کا کہاگیا۔
اسرائیلی ماڈل ر پر شے ژانکو کو مصر کے شہر جیزا میں اہرام آف جیزا میں28 جولائی کو ہونے والا امریکی ریپر کنسرٹ میں مدعو کیا گیا تھا تاہم یہ کنسرٹ اپنے متنازع ہونے کے باعث اب منسوخ کردیا گیا ہے۔
اس افسوسناک واقع کے حوالے سے اسرائیلی میڈیا کا کہنا ہے کہ ہوٹل کے رویے اسرائیلی ماڈل بہت دلبرداشتہ ہیں انہیں بہت بےعزتی محسوس ہوئی ہے جس کی وجہ وہ ذہنی تناؤ کا شکار ہیں، ماڈل نے بتایا کہ وہ ہوٹل سے سیدھا ائیر پورٹ کیلئے روانہ ہوئی اور وہاں سے پیرس جانے والی واحد پرواز لی ۔
دوسری جانب اس حوالےسے مصر کے چیمبر آف ہوٹل اسٹیبلشمنٹ نے مقامی میڈیا کو انٹرویو دیتے ہوئے بتایا کہ وزارت سیاحت یا مصری اتھارٹی کی جانب سے کسی بھی قومیت کے ہوٹلوں میں داخلے کو روکنے کے لیے کوئی فیصلہ نہیں کیا گیا تاہم جو واقعہ ہوا ہے اس پر ہوٹل کو سزا دی جائے گی۔