(روز نامہ قدس ۔آنلائن خبر رساں ادارہ ) قابض فوج نے ایک اور فلسطینی پرچاقو کے وار کا الزام لگا کر براہ راست گولیوں کا نشانہ بنایاجس سے فلسطینی زخمی ہوگیا۔
اسرائیلی چینل 12 کے مطابق صہیونی فوجی ترجمان کے جاری کردہ بیان میں دعویٰ کیا گیا ہے کہ مقبوضہ فلسطین میں نابلس کے جنوب میں صہیونی بستی یستھار کے قریب ایک فلسطینی نوجوان نے اسرائیلی فوجیوں پر چاقو کے وار کی کوشش کی جسے ناکام بناتے ہوئے صہیونی فوج نے فلسطینی کو گولی مار کر زخمی کردیا، جبکہ زخمی ہونے والے فلسطینی کی حالت کے بارے میں مزید معلومات فراہم نہیں کی گئی ہیں۔
عینی شاہدین کا کہنا ہے کہ اسرائیلی فوج نے ایک راہ گیر فلسطینی نوجوان کو چیک پوسٹ پر روکا اورتلاشی کے دوران اس پر فائرنگ کردی جس کے باعث نوجوان زخمی ہوگیا تاہم صہیونی فوج نے اسے گاڑی میں ڈال کر نامعلوم تفتیشی مرکز منتقل کردیا، اب تک کی موصول ہونے والی اطلاعات کے مطابق صہیونی جیل انتظامیہ کی جانب سےفلسطینی کے جرم کے حوالے سے کسی قسم کی معلومات فراہم نہیں کی گئی ہیں۔