(روزنامہ قدس ۔آن لائن خبر رساں ادارہ) پینی اپیلز کے ’لو فلسطین پروجیکٹ‘ کے لیےچار ہزار چار سو 68 پاؤنڈز اکٹھے کرنے والی بچی نے اس پروجیکٹ کے اصل ہدف یعنی 600 پاؤنڈز سے کہیں زیادہ رقم جمع کی۔
عرب نیوز کے مطابق شمالی انگلینڈ کے قصبے بولٹن سے تعلق رکھنے والی عامرہ حاجی نامی ایک 10 سالہ بچی جس نے مسلم چیریٹی کے چیلنج میں حصہ لے کر چیریٹی کے لیے 1340 میٹر اونچا پہاڑ (جو ویلز کا سب سے اونچا پہاڑ ہے) بین نیوس سر کیا اور پینی اپیلز کے ’لو فلسطین پروجیکٹ‘ کے لیےچار ہزار چار سو 68 پاؤنڈز اکٹھے کیے، بچی نے اس پروجیکٹ کے اصل ہدف یعنی 600 پاؤنڈز سے کہیں زیادہ رقم جمع کی۔
عامرہ حاجی کی اس امداد سےفلسطینی پناہ گزین کیمپوں میں خوراک کے پارسلوں کی تقسیم کے ساتھ ساتھ فلسطینی کاشت کاروں کو زیتون کے کھیتوں کی کاشت اور توسیع میں مدد سے لےکر چھتوں پر باغات بنانے کے لیے استعمال ہو گی جس کےذریعے فلسطینی خواتین کو آمدنی کا ایک پائیدار ذریعہ فراہم کیا جائے گا۔
عامرہ حاجی نے کہا کہ ’ہم بہت خوش قسمت ہیں کہ ہر روز دسترخوان پر مزیدار کھانا ملتا ہے اور ہمیں گندا پانی پینے اور بیمار ہونے کی فکر نہیں ہوتی‘جن کا فلسطین کے لوگ افسوس کے ساتھ صرف خواب ہی دیکھ سکتے ہیں اور ان کی خواہش کر سکتے ہیں۔‘