بھارتی پولیس کا کشمیریوں کو جیلوں سے نکال کر جعلی مقابلوں میں شہید کرنے کا انکشاف

 (روز نامہ قدس ۔آنلائن خبر رساں ادارہ ) ذرائع نے انکشاف کیا ہے کہ قابض بھارتی فوج  اور پولیس کشمیریوں حریت پسندوں کو جیلوں سے  نکال کر  جعلی مقابلوں میں شہید کررہی ہے۔

کشمیرمیڈیا سروس کی حالیہ رپورٹ کے مطابق  مقبوضہ کشمیر پر قابض بھارتی فوج نے انسانی حقوق کی سنگین خلاف ورزیوں کا نیا سلسلہ شروع کیا ہے جس کے تحت کشمیری حریت پسندوں کو جیل سے نکال کر جعلی مقابلوں میں موت کے گھاٹ اتارنا شروع کر دیا۔

یہ بھی پڑھیے

بھارتی فوج نے ماہ جون میں 35 کشمیریوں کو شہید، 104 کو گرفتار کیا

 بھارتی پولیس نے سیاسی قیدی محمد علی حسین کو جموں کی "کوٹھبلوال” جیل سے اٹھا کر ٹوف ارنیا کے علاقے میں لائی اور جعلی مقابلے میں شہید کر دیا۔ اس سے قبل راولاکوٹ سے تعلق رکھنے والے ایک سیاسی قیدی ضیاء مصطفی کو بھارتی فوجیوں نے جموں کوٹھبلوال جیل سے نکال کر پونچھ کے جنگلات میں فائرنگ کر کے شہید کر دیا تھا۔