بھارتی فوج کےملٹری کیمپ میں فائرنگ ، ایک ہلاک پانچ زخمی

(روز نامہ قدس ۔آنلائن خبر رساں ادارہ ) واقعے کی صحیح وجہ معلوم نہیں ہوسکی ہے تاہم ذرائع کا کہنا ہے کہ بھارتی فوج کے ذہنی دبا ؤمیں گرفتار فوجیوں نے ایک دوسرے پر فائرنگ کی ہے۔

کشمیر میڈیا سروس کے مطابق آج صبح مقبوضہ کشمیر کے ضلع پونچھ کے علاقے سورنکوٹ میں قائم ایک  فوجی کیمپ میں  فائرنگ کا واقعہ پیش آیا جس میں  ایک بھارتی فوجی ہلاک اور کم سے کم پانچ کے زخمی ہونے کی  اطلاعات ہیں۔

یہ بھی پڑھیے

بھارتی فوج نے ماہ جون میں 35 کشمیریوں کو شہید، 104 کو گرفتار کیا

واقعے کی صحیح وجہ معلوم نہیں ہوسکی ہے تاہم شبہ ہے کہ  بھارتی فوج کے اہلکار شدید ذہنی دباؤ میں رہنے والے فوجی ہیں جن میں خود کشیوں کی  اوسط دوسرے کسی بھی ایشائی ملک  میں سب سے زیادہ ہے، ذہنی دباؤ کے باعث اہلکار ایک دوسرے سے الجھ گئے اور  ایک دوسرے پر فائرنگ کردی۔

بھارتی پولیس نے ذرائع ابلاغ کو بتایا کہ واقعے کے حوالے سے حقائق کا پتہ لگایا جا رہا ہے اور فی الحال فائرنگ کی حتمی وجوہات کے حوالے سے کچھ نہیں کہا جا سکتا۔ یہ واقعہ اس وقت پیش آیا جب بھارتی فوجیوں کو آر او پی (روڈ اوپننگ پارٹی) کے فرائض کے لیے تعینات کیا جا رہا تھا۔