(روزنامہ قدس ۔آن لائن خبر رساں ادارہ) وادی کشمیرمیں بے گناہ شہریوں کے قتل کے واقعات میں تیزی آئی ہے اور 15 روز کے دوران اب تک 20 سے زائد کشمیری اپنی جانوں سے ہاتھ دھو بیٹھے ہیں۔
ذرائع کے مطابق گذشتہ روز مقبوضہ جموں و کشمیر میں ضلع شوپیاں میں قابض بھارتی فوج کے ہاتھوں ایک نہتے کشمیری شہری جس کی شناخت شاہد احمد کے نام سے ہوئی ہے کو بلا اشتعال فائرنگ کر کے شہید کردیا۔
بھارتی فوج کی جانب سے شہید ہونے والے کشمیری نوجوان پر اس وقت فائرنگ کی گئی جب وہ نوجوان اپنے گھر کے لیے پھل اور سبزیاں لے کر جا رہا تھا۔
کشمیری نوجوان کی شہادت پر پیپلز ڈیموکریٹک پارٹی کی صدر محبوبہ مفتی نےسماجی رابطوں کی ویب سائٹ ٹوئٹرپر کہاہے کہ یہ افسوسناک ہے کہ آج شوپیاں میں ایک اور معصوم شہری سی آر پی ایف کے ہاتھوں مارا گیا، انہوں نے متاثرہ خاندان کو معاوضہ دینے کا بھی مطالبہ کیا۔
واضح رہے کہ وادی کشمیرمیں بے گناہ شہریوں کے قتل کے واقعات میں تیزی آئی ہے اور 15 روز کے دوران اب تک 20 سے زائد کشمیری اپنی جانوں سے ہاتھ دھو بیٹھے ہیں۔