(روز نامہ قدس ۔آنلائن خبر رساں ادارہ ) مقبوضہ وادی میں قابض بھارتی فوج کی ظالمانہ کارروائیوں کا سلسلہ گزشتہ ستر سال سے جاری ہے ، قابض فوج نے حالیہ ریاستی دہشتگردی میں مزید چار کشمیری نوجوان کو شہید کردیا ۔
کشمیرمیڈیا سروس کے مطابق بھارتی فوج نے دو نوجوانوں کو کلگام وادی کے علاقے مشی پورہ جبکہ دو کو ضلع اسلام آباد میں شہید کیا۔
قابض بھارتی فورسزنے مقبوضہ کشمیرکے ضلع کلگام کا محاصرہ کرلیا۔ نام نہاد سکیورٹی آپریشن کے دوران بھارتی فوجیوں نے فائرنگ کرکے نہتے کشمیری نوجوانوں کو شہید جبکہ گھر گھرتلاشی کے دوران متعدد نوجوانوں کو گرفتارکرکے نامعلوم مقام پرمنتقل کردیا گیا۔ بھارتی فوج کی کارروائی کے دوران موبائل اورانٹرنیٹ سروس بند کردی گئی۔ مشی پورہ، کلگام اورنواحی علاقوں کا محاصرہ جاری ہے اورلوگوں کو گھروں سے نکلنے کی صورت میں گولی مارنے کی دھمکی دی گئی ہے۔
بھارتی فوجیوں نے گھروں میں گھس کر خواتین سے بدتمیزی کی اورہراساں کیا جبکہ گھروں میں توڑپھوڑ بھی کی گئی۔ مقبوضہ وادی کے دیگرعلاقوں میں لوگوں کو نماز جمعہ کی ادائیگی سے روکنے کیلئے مختلف سڑکوں کو رکاوٹیں اورخاردار تارلگا کربند کردیا گیا۔