(روز نامہ قدس ۔آنلائن خبر رساں ادارہ ) سینیٹر برنی سینڈرز کا کہنا ہے کہ ہر فلسطینی کی زندگی اہمیت رکھتی ہے، لیکن بعض امریکی سینیٹرز صرف اسرائیلی ہلاکتوں کی مذمت کر رہے ہیں جو افسوسناک ہے۔
سابق امریکی صدارتی امید وار اور سینیٹر برنی سینڈرز نے منافقانہ امریکی سیاست پر ایوان میں پھٹ پڑے ، مقبوضہ فلسطین میں دہشتگردریاست اسرائیلی کی وحشیانہ بمباری کی شدید مذمت کرتے ہوئے کہا ہے کہ اسرائیلی فوج کے ہاتھوں 64 بچوں اور 38 خواتین سمیت 200 سے زائد فلسطینیوں کی شہادتوں کو اہمیت کیوں نہیں دی جا رہی، بعض امریکی سینیٹرزکا صرف اسرائیلی ہلاکتوں کی مذمت کرنا افسوسناک ہے۔
امریکی سینیٹر برنی سینڈرز نے امریکی سینیٹ میں فلسطینیوں کی حمایت میں قراردار پیش کرتے ہوئے کہا ہے کہ یہ قرارداد امریکا اور دنیا بھر کے اکثریتی عوام کے جذبات کی عکاس ہے، ہر فلسطینی کی زندگی اہمیت رکھتی ہے، اس لیے ہم فوری فائربندی کا مطالبہ کرتے ہیں۔انہوں نے کہا کہ فلسطین میں فوری جنگ بندی کے لیے ہمیں پاپائے روم، یورپی یونین، سیکرٹری جنرل اور دیگرکی حمایت حاصل ہے، تنازع کا سفارتی حل چاہتے ہیں تاکہ عالمی قوانین اور انسانی حقوق کا تحفظ کیا جاسکے۔