(روز نامہ قدس ۔آنلائن خبر رساں ادارہ ) فلسطینی صدر نے کہا ہے کہ ہم اپنے ملک میں مسیحیوں کی موجودگی اور مسیحیت کو نشانہ بنانے والی صہیونی ریاست کی نوآبادیاتی آباد کاری کی پالیسیوں کے تسلسل کو قبول نہیں کریں گے۔
مقبوضہ بیت المقدس کے شہر اور حضرت عیسیٰ کے جائے پیدائش بیت لحم میں کرسمس کی تقریب سے خطاب کرتے ہوئے فلسطین کے صدر محمود عباس نے کہا کہ اس موقع پر ہم فلسطین اور پوری دنیا میں مقیم مسیحیوں کو مبارکباد پیش کرتے ہیں، جو کرسمس اور نئے سال کی شام منا رہے ہیں۔ آج ہم اتحاد، اپنی قومی اقدار سے وابستگی، اپنی سرزمین پر ثابت قدمی اور حق و انصاف کے شانہ بشانہ کھڑی دنیا کے ساتھ اپنے غاصب کی پالیسیوں اور اقدامات کا سامنا کر رہے ہیں۔
فلسطنی صدر محمود عباس نے مقبوضہ فلسطین میں صہیونی ریاستی کی غیر قانونی پالیسوں اور فلسطینیوں کے خلاف غیر انسانی سلوک کی مذمت کرتے ہوئے کہا ہے کہ فلسطین میں اسرائیلی طرز عملک و مسترد کرتے ہیں ان مقابلہ پرامن عوامی مزاحمت سے کیا جائے۔
محمود عباس نے عالمی برادری سے اپنی خاموش کو توڑنے اور اسرائیلی جرائم کو روکنے کےلئے ٹھوس اقدامات کرنے کا مطالبہ کرتے ہوئے کہا ہے کہ خطے کے تمام لوگوں کیلئے سلامتی ، استحکام ، خوشحالی اور اچھی ہمسائیگی سے لطف اندوز ہونےکا واحد راستہ فلسطینی عوام کےلئے جائز حقوق حاصل کرنا ہے جس کی منظوری اقوام متحدہ کی قراردادوں نے دی تھی۔