عوام فلسطینی اسیروں کی حمایت جاری رکھیں، تحریک جہاد اسلامی

(روزنامہ قدس ۔آنلائن خبر رساں ادارہ) خضرعدنان نے فلسطینی عوام سے اپیل کی کہ وہ قیدیوں بالخصوص ان قیدیوں کی جو انفرادی سیل میں ہیں اور جنھیں بری طرح  تشدد کا نشانہ بنایا جارہا ہے  یا جو بھوک ہڑتال پر ہیں، ان کی حمایت جاری رکھیں۔

ذرائع سے موصولہ  اطلاعات کے مطابق قابض ریاست اسرائیل  میں جاری صہیونی مظالم کےخلاف آواز اٹھانے والی تنظیم تحریک جہاد اسلامی کے رہنما شیخ خضر عدنان  کی جانب سے ایک بیان میں واضح کیا گیا ہے کہ  صیہونی جیل سے فرار ہونے والے 6 قیدیوں کا اسرائیلی  حکام جلد ہی اپنے ہاتھوں سے آزاد کرنے پر مجبور ہوں گے ۔

تحریک جہاد اسلامی کے رہنما نے  کہا کہ جو صہیونیوں کو شکست سے دوچار کرکے آزاد ہوتا ہے وہ بخوبی جانتا ہے کہ اسے دوبارہ گرفتار کیا جا سکتا ہے لہذا وہ اس سے زیادہ بڑی چیز کے لئے تیاری کرتا ہے۔

خضرعدنان نے فلسطینی عوام سے اپیل کی کہ وہ قیدیوں بالخصوص ان قیدیوں کی جو انفرادی سیل میں ہیں اور جنھیں بری طرح  تشدد کا نشانہ بنایا جارہا ہے  یا جو بھوک ہڑتال پر ہیں، ان کی حمایت جاری رکھیں۔

واضح رہے کہ ان قیدیوں میں 5 قیدی تحریک جہاد اسلامی  کے ہیں جبکہ ایک تحریک فتح جماعت کے کارکن ہیں ان  قیدیوں کو جنھیں صیہونی حکومت نے طویل مدت قید کی سزا دی تھی، سات ستمبر کو شمالی مقبوضہ فلسطین کی جلبوع جیل سے جوسیکورٹی کے لحاظ سے نہایت اہم شمار ہوتی ہے باہر نکلنے میں کامیاب ہوگئے تھے۔