(روز نامہ قدس ۔آنلائن خبر رساں ادارہ ) گذشتہ ہفتے کے دوران جنین شہر پر صیہونی جارحیت کے دوران فلسطینی مزاحمت کاروں نے اسرائیلی فوج کے گن شپ ہیلی کاپٹر کو نشانہ بنایا اور اس کے ساتھ فوج کی 25 گاڑیاں اور فوجی سازوسامان بھی تباہ کر دیا۔
فلسطینی ذرائع کے مطابق گذشتہ ہفتے کے دوران غیر قانونی صیہونی فورسز اور آبادکاروں کی دہشت گردی کی کارروائیوں میں ایک بچے سمیت کم سےکم 15 فلسطینی شہید اور 100 سے زائد زخمی ہوئے جس میں آنسو گیس کی شیلنگ سے سانس کی تکلیف کا شکار ہونے والے بھی شامل ہیں۔
دوسری جانب صیہونی میڈیا کا کہنا ہے کہ مغربی کنارے اور بیت المقدس میں مزاحمت کی 296 کارروائیاں کی گئیں جن چار صہیونی ہلاک ہوئے۔ اسی ماہ کی 16 جون سے 22 جون کے دوران مغربی کنارے اور یروشلم میں مزاحمت کی 296 کارروائیوں کو دستاویزی شکل دی، جس کے نتیجے میں دو اسرائیلی ہلاک اور 21 دیگر زخمی ہوئے۔
مغربی کنارے کے کئی شہروں میں فائرنگ کے 38 حملے ہوئے اور 3 مولوٹوف کاک ٹیل اور دھماکہ خیز مواد کا استعمال کیا گیا۔
رپورٹ کے مطابق فلسطینی مزاحمت کاروں نے گذشتہ سوموار کو جنین شہر پر حالیہ جارحیت کے دوران گن شپ ہیلی کاپٹر کو نشانہ بنایا اور اس کے ساتھ ساتھ قابض فوج کی 25 گاڑیاں اور فوجی سازوسامان بھی تباہ کر دیا۔
مزاحمت کاروں نے مغربی کنارے کے کئی شہروں جنین، نابلس اور الخلیل میں 75 پتھراؤ کے حملوں کے علاوہ 14 دھماکہ خیز آلات سے فائر کیا۔
نوجوانوں نے آباد کاروں کے 46 حملوں کا سامنا کیا۔ انہوں نے 91 پوائنٹس پر ہونے والے تصادم کے دوران تین بار قابض فوج کا مقابلہ کیا۔اسرائیلی قابض فوج کے جرائم میں اضافے کی روشنی میں مغربی کنارے میں فلسطینی مزاحمت کی کارروائیوں میں اضافہ ہوا، مزاحمت کاروں نے 1025 مزاحمتی کارروائیاں کیں۔