(روزنامہ قدس ۔آن لائن خبر رساں ادارہ) شیخ نبیل قاووق نے کہا کہ غاصب صیہونی حکومت کے مقابلے میں حزب اللہ لبنان کی دفاعی و فوجی طاقت و توانائی میں مسلسل اضافہ ہوا ہے اور جنوبی لبنان، لبنانی فوج، قوم اور تحریک مزاحمت کے دفاع کی فرنٹ لائن ہے۔
لبنانی تحریک حزب اللہ کی مرکزی کونسل کے رکن نبیل قاووق کی جانب سےگذشتہ روز غاصب اسرائیلی حکومت کے ساتھ بعض عرب ملکوں کی مشترکہ فوجی مشقوں کے انعقاد پر مبنی رپورٹوں پر مذمتی بیان جاری کیا گیا جس کے مطابق ان کا کہنا تھا کہ یہ فوجی مشقیں غاصب صیہونی حکومت کے ساتھ تعلقات برقرار کرنے والے حکمرانوں کی پیشانی پر کلنگ کا ٹیکہ ہوں گی۔
شیخ نبیل قاووق نے کہا کہ اس قسم کی فوجی مشقیں، لبنان اور فلسطین کے خلاف غاصب صیہونی حکومت کی جارحیت بڑھنے کا باعث بنیں گی،تاہم تحریک مزاحمت کے پاس موجود ہتھیار، غاصب صیہونی دشمن کا مقابلہ کرنے کے لئے ہیں اور ان ہتھیاروں کا بہر صورت تحفظ کیا جائےگا۔
انھوں نے کہا کہ غاصب صیہونی حکومت کے مقابلے میں حزب اللہ لبنان کی دفاعی و فوجی طاقت و توانائی میں مسلسل اضافہ ہوا ہے اور جنوبی لبنان، لبنانی فوج، قوم اور تحریک مزاحمت کے دفاع کی فرنٹ لائن ہے۔