(روز نامہ قدس ۔آنلائن خبر رساں ادارہ ) امریکی وزیر خارجہ، غزہ کی پٹی میں جنگ بندی کےحوالے سے مشرق وسطیٰ کے مختلف ممالک کا بھی دورہ کریں گے۔
تفصیلات کے مطابق مقبوضہ فلسطین میں صیہونی ریاستی دہشتگردی اور بدترین مظالم کے خلاف برسرپیکار اسلامی مزاحمتی تحریک حماس اور اسرائیل کے درمیان گیارہ روزہ جنگ اور اعلان جنگ بندی کے بعد امریکہ کے وزیر خارجہ انٹو نی بلینکن کی غزہ سمیت مشرق وسطی کے مختلف ممالک روانگی ہوئی ہے جس کااسرائیل کے ہاتھوں مقبوضہ فلسطین کے محصور علاقے غزہ میں جنگ بندی کے جاری رکھنے کو یقینی بنانا ہے۔
خیال رہے کہ امریکی وزیر خارجہ اپنے دورہ مشرق وسطی میں غزہ میں جنگ بندی معاہدے کے حوالے سے صہیونی وزیر اعظم بن یامین نیتن یاہو اور فلسطینی اتھارٹی کے صدر محمود عباس کے علاوہ قاہرہ میں مصر کے صدر عبدالفتح السیسی اور عمان میں اردن کے بادشاہ شاہ عبداللہ دوم سے بھی ملاقات کریں گے۔