(روز نامہ قدس ۔آنلائن خبر رساں ادارہ ) پینٹاگان کے مطابق آج جمعرات کے روز امریکی اور اسرائیلی وفود ایران اور خطے میں اس کے طرز عمل پر تفصیلی مذاکرات کریں گے۔
عالمی خبر رساں ایجنسی کے مطابق گذشتہ روز امریکی محکمہ دفاع (پینٹاگان) نےایرانی جوہری پروگرام کے حوالے سےاسرائیلی تحفظات اورایران کے خطرات کا مقابلہ کرنے کے لیے اسرائیل کی بالادستی کی حمایت کا اعلان کیا ہے۔
مزید معلومات کے مطابق پینٹاگان کی جانب سے اطلاع ہے کہ ایران اور خطے میں اس کے طرز عمل پر تبادلہ خیال کرنے کے لیے آج جمعرات کو امریکی اسرائیلی وفود مذاکرات کریں گے۔
واضح رہے کہ ایک روز قبل ہی امریکا کے حوالے سے صہیونی ریاست کے وزیراعظم بنجمن نیتن یاھو کی جانب سے ایک متنازع بیان جاری کیا گیا تھا جس کے بعد امریکی محکمہ دفاع پینٹاگان نےبھی سخت رد عمل ظاہرکیا تھا ہےتاہم سیاسی دوستیاں نبھانے کے لیے امریکی وزیر دفاع کی اسسٹنٹ سیکرٹری ڈانہ اسٹرول نے کہا ہے کہ صدر جوبائیڈن کی انتظامیہ مشرق وسطیٰ میں امن کے اصول کو آگے بڑھا رہی ہے،اس کے ساتھ ہی ہم ایران کے بُرے برتاؤ کا مقابلہ کرنا، داعش اور دہشت گردی کو روکنا چاہتے ہیں۔