(روز نامہ قدس ۔آنلائن خبر رساں ادارہ ) مصری حکام نے واضح کیا ہے کہ اسرائیل کے پاس اگلا محاذ صرف غزہ کی پٹی تک ہی محدود نہیں ہوگا یہ کوئی بھی کشیدگی تین محاذوں تک پھیل سکتی ہے جس سے علاقائی جنگ چھڑنے کا اندیشہ ہے۔
عالمی خبررساں ادارے کےمطابق مصر کی جانب سے امریکا پر زور دیا گیا ہےکہ وہ اسرائیلی حکام پردباؤڈالےاور انہیں ہراس اقدام سے روکے جو فلسطین کی موجودہ صورتحال کو بگاڑ نےکا باعث بن سکتا ہے۔
مصری قیادت نےنشاندہی کرتے ہوئے اسرائیل اور فلسطینی دھڑوں کے مابین فائر بندی کے قیام میں ثالثی کی نگرانی کے سلسلےمیں کی جانے والی طویل مدتی صلح تک پہنچنے کی کوششوں پر تشویش کا اظہار کیا ہے اور خدشہ ظاہر کیا ہے کہ اسرائیلی حکومت اور ان کے حلیفوں کی کوئی بھی حرکت مصری کوششوں کو نقصان پہنچا سکتی ہے۔
مزید معلومات کےمطابق مصری حکام نے واضح کیا ہے کہ اسرائیل کے پاس اگلا محاذ صرف غزہ کی پٹی تک ہی محدود نہیں ہوگا یہ کوئی بھی کشیدگی تین محاذوں تک پھیل سکتی ہے جس سے علاقائی جنگ چھڑنے کا اندیشہ ہے۔
مصر کی جانب سے اسرائیل اور فلسطین میں جنگ بندی کے قیام کے لیے تبادلہ خیال کے سلسلے میں پیشرفت کو تیز کرنے کی بھی اطلاعات ہیں جبکہ غزہ کی پٹی کی تعمیر نو اور فلسطینی دھڑوں کے درمیان مصالحت کی کوششیں بھی جاری ہیں۔