امریکہ بی ڈی ایس کی سختی سے مخالفت کرتا ہے، نیڈ پرائس

(روز نامہ قدس ۔آنلائن خبر رساں ادارہ ) امریکہ نے ایک بار پھر فلسطین پر قابض ناجائز صیہونی ریاست اسرائیل کی غیر اخلاقی حمایت کا سلسلہ جاری رکھتے ہوئے صیہونی ریاست کےمعاشی،سیا سی اور سرمایہ کاری کےبائکایٹ کی عالمی تحریک ’بی ڈی ایس‘کی سرگرمیوںکو غیر قانونی قرار دیا ہے اور اس تنظیم کو مستردکردیا ہے۔

امریکی محکمہ خارجہ کے ترجمان نیڈ پرائس نے امریکی ڈیری کمپنی بین اینڈ جیری آئس کریم نے سنہ1967ء کے مقبوضہ علاقوں میں اپنی مصنوعات فروخت نہ کرنے کے فیصلے پر کئے گئے سوال پر اس کو کمپنی کا معاملہ قرار دیتے ہوئے تبصرہ کرنے سے انکار کردیا تاہم انھوں نے کہا کہ امریکا بی ڈی ایس جیسی تحریکوں کو قبول نہیں کرتا جو اسرائیل کے عالمی بائیکاٹ کے لیے کوشاں ہوں انہوں نے اس بات پر زور دیا کہ امریکی صدر جو بائیڈن کی انتظامیہ بین الاقوامی "بائیکاٹ ” بی ڈی ایس تحریک کی مخالفت کرتی ہے۔