(روز نامہ قدس ۔آنلائن خبر رساں ادارہ ) کانگریس کی رکن رشیدہ طلیب طلیب نے منگل کے روز امریکی صدر جوبائیڈن پرفلسطین پرقابض صیہونی ریاست اسرائیل کی نہتے فلسطینیوں کے قتل عام کے باوجود مالی اور سفارتی حمایت جاری رکھنے پر سخت تنقید کرتے ہوئے کہا تھا کہ امریکا اسرائیلی جرائم میں اس کی حوصلہ افزائی کررہا ہے اور اس کے سنگین جرائم پر اس کا حامی ہے۔
میڈیا پر موجود ویڈیومیں دیکھا گیا تھا کہ کانگریس میں شامل واحد فلسطینی امریکی خاتون رشیدہ طلیب نے امریکی صدر جوبائیڈن کا ریاست مشی گن کے شہر ڈیٹرائٹ میں ڈیموکریٹک کی تقریب میں استقبال کیا اور اس کے بعد کچھ دیر تک دونوں کے درمیان گفتگو جاری رہی تاہم میڈیا کو گفتگو کا موضوع معلوم نہیں ہوسکا تاہم ذرائع کا کہنا ہے کہ راشدہ طلیب نے امریکی صدر سے اسرائیل کی حمایت پراحتجاج کرتےہوئے درخواست کی کہ امریکی صدر کو فلسطینیوں کے بنیادی حقوق کے تحفظ کے اقدام کرنے کے ساتھ ساتھ اسرائیل کے ساتھ امریکی پالیسی پر نظر ثانی کرنی چاہئے ۔