(روزنامہ قدس ۔آن لائن خبر رساں ادارہ) تمار زینڈبرگ کے مطابق ملک میں اماراتی آئل ٹینکرز آنے کی تعداد سے متعلق جو اجازت نامہ ہے اس سے زیادہ ٹینکرز کسی صورت میں ملک میں داخل نہیں کیے جائیں گے۔
قابض صہیونی ریاست اسرائیل کے مقامی نشریاتی ادارے کے مطابق گذشتہ روز صہیو نی وزیر ماحولیات تمار زینڈبرگ کی جانب سے رواں سال اسرائیل اور متحدہ عرب امارات کےدرمیان تیل کےحوالے سےطے پانے والےمعاہدےپر عمل درآمد روکنے کے احکامات جاری کردیے ہیں۔
تمار زینڈبرگ کا کہنا ہے کہ اماراتی تیل کی درآمدات کےحوالے سے ان کی حکومت نے جو معاہدہ کیا تھا اسے عملی جامہ بھی پہنایا جائے یہ ممکن نہیں ان کے مطابق ملک میں اماراتی آئل ٹینکرز آنے کی تعداد سے متعلق جو اجازت نامہ ہے اس سے زیادہ ٹینکرز کسی صورت میں ملک میں داخل نہیں کیے جائیں گے۔
واضح رہے کہ اسرائیل اور امارات کے مابین تیل کا یہ معاہدہ اسرائیلی حکومت کے ماتحت یورپ ایشیا پائپ لائن کمپنی (EAPC) اور عرب امارات اور اسرائیل کی مشترکہ میڈ ریڈ لینڈ بریج کمپنی کے درمیان طے پایا تھا،EAPC وہی کمپنی ہے جسے 1960 میں ایرانی تیل کو اسرائیل میں ٹرانسپورٹ کیے جانے کیلیے قائم کیا گیا تھا۔