(روزنامہ قدس ۔آن لائن خبر رساں ادارہ) کچھ روز قبل یہ خبر بھی منظر عام پر آئی تھی کہ متحدہ عرب امارات کی جانب سے یمن کے سقطری جزیرے کے ایئرپورٹ پر صیہونی حکومت کے لئے ایک جاسوسی مرکز بنانے کی تیاری جاری ہے۔
ذرائع کے مطابق گذشتہ روز یمن کےحوالے سے سوشل میڈیا پر گردش کر نے والی کچھ تصاویر نے یمنی عوام کے ساتھ ساتھ دیگر ممالک کے مسلمانوں کے جذبات بھڑکادیے، شوشل میڈیا کے صارفین نے یمن کے جزیرہ سقطری کے پہاڑوں پر موجودصیہونی سیاحوں کی تصویریں شیئر کیں جن میں سیاح یمن کے پہاڑوں پر آزادانہ گھوم پھر رہے ہیں اور اپنی پہچان کیلیے اسرائیل کا جھنڈا بھی اپنے ساتھ لیےہیں۔
یمن میں یوں اسرائیلیوں کی آمد کے حوالے سے یمنی خبر رساں ادارے کے مطابق مذکورہ صارفین کا کہنا ہے کہ یہ اقدام متحدہ عرب امارات کے ذریعے انجام پایا اور ہماری دل آزاری کا باعث ہے جس نے صیہونی سیاحوں کو اس جزیرے پر لانے اور بھرپور سیکیورٹی فراہم کرتے ہوئے انہیں یمن کے علاقے میں گھومنے پھرنے کا انتظام کیا، متحدہ عرب امارات کے اس اقدام کی وجہ سے یمنی شہریوں کے جذبات مجروح ہوئے ہیں۔
واضح رہے کہ کچھ روز قبل یہ خبر بھی منظر عام پر آئی تھی کہ متحدہ عرب امارات کی جانب سے یمن کے سقطری جزیرے کے ایئرپورٹ پر صیہونی حکومت کے لئے ایک جاسوسی مرکز بنانے کی تیاری جاری ہے۔