(روز نامہ قدس ۔آنلائن خبر رساں ادارہ ) وزیر خارجہ شاہ محمود قریشی 20 مئی کو مقبوضہ فلسطین میں اسرائیلی دہشتگردی کے حوالے سے منعقدہ، اقوام متحدہ کی جنرل اسمبلی کے ہنگامی اجلاس مں شرکت کریں گے۔
وزیر خارجہ مخدوم شاہ محمود قریشی، مظلوم نہتے فلسطینیوں پر جاری قابض صیہونی ریاستی دہشتگردی کی جانب عالمی برادری کی توجہ مبذول کروانے کیلئے سوڈان اور ترکی کے وزرائے خارجہ کے ہمراہ ترکی سے نیویارک روانہ ہوگئے ہیں۔
وزیر خارجہ شاہ محمود قریشی وزیر اعظم عمران خان کی خصوصی ہدایت پر پاکستانی قوم کے جذبات کی ترجمانی کرتے ہوئے 20 مئی کو مقبوضہ فلسطین میں اسرائیلی وحشیانہ بمباری کے حوالے سے منعقدہ اقوام متحدہ کی جنرل اسمبلی کے ہنگامی اجلاس میں شرکت اور مظلوم فلسطینیوں کے خلاف جاری مظالم کی روک تھام کیلئے بھرپور آواز بلند کریں گے۔
اس دوران وزیر خارجہ نیویارک میں صدر جنرل اسمبلی میں شرکت سمیت اہم شخصایت سے ملاقاتیں کریں گے، وزیر خارجہ نیویارک میں مقامی و بین الاقوامی میڈیا کے نمائندگان سے گفتگو کریں گے اس کے ساتھ ہی اہم علاقائی و عالمی امور پر پاکستان کا نکتہ نظر پیش کریں گے۔