(روزنامہ قدس ۔آن لائن خبر رساں ادارہ) فلسطینیوں اور صہیونی آبادکاروں کے درمیان تصادم کے نتیجے میں فوجی اہلکاروں نے کم سے کم 6 فلسطینیوں کو آبادکاروں پر تشدد کے الزام میں گرفتار کر کے صہیونی حوالات میں پہنچادیا ہے۔
مقامی ذرائع سے موصولہ اطلاعات کے مطابق مقبوضہ بیت المقدس میں شر پسندعناصر کے ایک منظم گروہ نے قابض فوج کی سرپرستی میں مسلمانوں کیے تیسرے مقدس مقام مسجد اقصٰی پر حملہ کیا اور مقدس مقامات کی بےحرمتی کی ۔
صہیونی آبادکاروں کے اس گروہ نے فلسطینی نمازیوں کو تشدد کا نشانہ بنایا اور عبادت میں رکاوٹیں ڈالنے کی کوشش کی جس کے نتیجے میں فلسطینی باشندوں کی جانب سے بھی رد عمل ہوا ۔
درجنوں شر پسندوں نے مسجد اقصیٰ کے صحنوں میں آزادانہ گھوم کر فلسطینی باشندوں کو تصادم پر اکسایا اور مسلمانوں کے لیے مخصوص حصے میں قانون کی خلاف ورزی کرتے ہوئے یہودی عبادات کیں۔
صہیونی فوج کی موجودگی میں آبادکاروں اور فلسطینیوں کے مابین اس تصادم میں قابض فوج نے فلسطینی باشندوں کو بندوق کے بٹوں اور لاٹھیوں سے تشدد کا نشانہ بنایا اور بھارمقدار میں آنسو گیس کی شیلنگ کردی جس کے باعث متعدد افراد دم گھٹنے سے بے ہوش ہوگئے جنہیں ہسپتال منتقل کر دیا گیاجبکہ فلسطینیوں اور صہیونی آبادکاروں کے درمیان تصادم کے نتیجے میں فوجی اہلکاروں نے کم سے کم 6 فلسطینیوں کو آبادکاروں پر تشدد کے الزام میں گرفتار کر کے صہیونی حوالات میں پہنچادیا ہے۔