(روزنامہ قدس ۔آن لائن خبر رساں ادارہ) گذشتہ روز میں مشرقی بیت المقدس میں ایک فلسطینی شہری نے صہیونی فوج پر حملہ کرتے ہوئے اسے ہلاک کردیا جبکہ مزید 4 فوجیوں کو بھی زخمی کر تے ہوئے جام شہادت نوش کیا۔
امریکی حکام کی جانب مقبوضہ فلسطین کے علاقے بیت المقدس کے سفر پر جانے والےامریکی شہریوں کو القدس کی اولڈ سٹی کے سفر سے روکے جانے کی اطلاعات موصول ہوئی ہیں۔
ذرائع نے بتایا ہے کہ امریکی وزارت خارجہ کے جاری ایک بیان میں گذشتہ چار دنوں میں تیزی سے بڑھتی ہوئی کشیدگی میں ہونے والے صہیونی اہلکاروں پر فلسطینیوں کے فدائی حملوں کے خوف سے القدس میں موجود امریکی شہریوں اور عملے کو خاص احتیاط کی ہدایات کے ساتھ ساتھ پرانے بیت المقدس کے سفر سے گریز کی ہدایت بھی کی گئی ہے۔
واضح رہے کہ گذشتہ روز میں مشرقی بیت المقدس میں ایک فلسطینی شہری نے صہیونی فوج پر حملہ کرتے ہوئے اسے ہلاک کردیا جبکہ مزید 4 فوجیوں کو بھی زخمی کر تے ہوئے جام شہادت نوش کیا ۔