(روز نامہ قدس ۔آنلائن خبر رساں ادارہ ) سعودی کابینہ نے بین الاقوامی برادری سے مطالبہ کیا ہے کہ وہ مظلوم فلسطینیوں کے خلاف اسرائیلی جارحیت کو روکنے میں اپنا کردار اداکرے
گذشتہ روز سعودی عرب کی پریس ایجنسی نے سعودی کابینہ کا حوالہ دیتے ہوئے کہا ہے کہ مملکت فلسطینی عوام کی حمایت پر زور دے رہی ہے اور اس نے بین الاقوامی برادری سے مطالبہ کیا ہے کہ وہ اسرائیلی افواج کے بار بار حملوں اور خلاف ورزیوں کو روکنے کے لیے اپنی ذمہ داریاں ادا کرے۔ کابینہ کونسل نے عالمی برادری سے مطالبہ کیا کہ وہ اس طویل تنازع کو ختم کرنے کے
لیے تمام تر کوششیں کرے۔
اس سے قبل سعودی عرب کی وزارت خارجہ نے اپنے ایک بیان میں کہا تھا کہ اسرائیلی شدت پسندوں کا عمل عالمی قوانین کی خلاف ورزی ہے، مسجد اقصیٰ میں دراندازی تاریخی اور قانونی اسٹیٹس کی خلاف ورزی ہے۔