مقبوضہ بیت المقدس – (روزنامہ قدس ـ آنلائن خبر رساں ادارہ) قابض اسرائیل کی فوج نےمتعدد فلسطینیوں کو اس وقت وحشیانہ تشدد کا نشانہ بنایا جب وہ مسجد اقصیٰ کی مسلسل تالہ بندی اور داخلے پر پابندی کے باوجود مسجد کے قریب ترین مقام پر نماز ادا کرنے کے لیے ابواب تک پہنچنے کی کوشش کر رہے تھے۔
مقامی نامہ نگاروں نے اطلاع دی ہے کہ قابض اسرائیل کی افواج مسجد اقصیٰ کے ابواب کے گرد و نواح میں بڑی تعداد میں تعینات تھیں، جنہوں نے شہریوں کو قریب آنے سے روکا اور ان پر حملہ کر کے طاقت کے زور پر وہاں سے پیچھے دھکیل دیا۔
یہ سفاکانہ کارروائی ایک ایسے وقت میں سامنے آئی ہے جب قابض اسرائیل کی اتھارٹی نے ایران پر امریکی اسرائیلی جارحیت کے آغاز سے ہی مسجد اقصیٰ کو نمازیوں کے لیے بند کر رکھا ہے اور شہریوں کو وہاں پہنچنے اور نماز ادا کرنے سے مکمل طور پر روک دیا گیا ہے۔
دوسری جانب فلسطینیوں کی جانب سے مسلسل یہ پکار بلند کی جا رہی ہے کہ زیادہ سے زیادہ تعداد میں مسجد اقصیٰ کے قریب ترین مقامات پر پہنچا جائے اور اس کے ابواب پر نماز ادا کی جائے تاکہ قابض دشمن کے ان جابرانہ اقدامات کو ناکام بنایا جا سکے اور ماہِ رمضان کے دوران مسجد کی تالہ بندی کے صیہونی ایجنڈے کو روکا جا سکے۔
