(روزنامہ قدس ۔آن لائن خبر رساں ادارہ) صہیونی سوفٹ ویئر کمپنی نےامریکا کے اس فیصلے پر مایوسی کا اظہارکرتے ہوئے یاد دلایا ہے کہ کسی وقت میں اسرائیل کی اس ٹیکنالوجی نے دہشت گردی اور جرائم کی روک تھام کرکے امریکی قومی سلامتی کو برقرار رکھنے میں مدد کی تھی۔
عالمی نشریاتی ادارے کے مطابق گذشتہ روز صہیونی ریاست اسرائیل کی ٹیکنالوجی کمپنی ‘این ایس او’جس پر دنیا بھر کی اہم شخصیات کی قیمتی معلومات چوری کر نے کے الزامات تھے کو امریکہ نے اپنی تجارتی پابندی کی فہرست (entity list) میں ڈال دیا ہے جس کے بعد اسرائیلی کمپنی پر امریکا میں تجارت پر پابندی لگادی گئی ہے ، صہیونی سوفٹ ویئر کمپنی این ایس او کی جانب سے امریکا کے اس فیصلے پر مایوسی کا اظہار کیا گیاہے اور امریکہ کو یاد دلایا ہے کہ کسی وقت میں اسرائیل کی اس ٹیکنالوجی نے دہشت گردی اور جرائم کی روک تھام کرکے امریکی قومی سلامتی کو برقرار رکھنے میں مدد کی تھی.
واضح رہے کہ کچھ ماہ قبل ایمنسٹی انٹرنیشنل نکی جاری کردہ ایک رپورٹ میں انکشاف کیا تھا کہ اسرائیلی کمپنی کے جاسوسی کے سوفٹ ویئر کے ذریعے دنیا بھر میں کم ازکم 50 ہزار افراد کی مبینہ جاسوسی کی گئی جبکہ جاسوسی کا دائرہ کم ازکم 50 ممالک تک پھیلا ہوا تھا۔