(روزنامہ قدس ۔آن لائن خبر رساں ادارہ) نفتالی بینیٹ اسرائیل کے پہلے وزیر اعظم ہیں جنہوں نے متحدہ عرب امارات کا دورہ کیا ہے،اس سے قبل امارات بھی اسرائیل کو ناجائز ریاست تسلیم کرتا تھا اور صہیونیوں کو یہاں داخل ہونے کی اجازت نہ تھی۔
ذرائع کے مطابق گذشتہ روز قابض ریاست اسرائیل کے صہیونی وزیر اعظم نفتالی بینیٹ اپنے پہلے اور تاریخی دورے پرابوظہبی پہنچے جہاں ولی عہد شیخ محمد بن زاید النہیان نےان سے ملاقات کی۔
ملاقات میں صہیونی وزیر اعظم اور اماراتی ولی عہد کے درمیان مشرق وسطیٰ میں استحکام کے ساتھ ساتھ اسرائیل اور اماراتی عوام کے مفادات میں مثبت اقدامات کی طرف تعاون پر مبنی تعلقات آگے بڑھانے پر بات چیت ہوئی۔
خیال رہے کہ نفتالی بینیٹ اسرائیل کے پہلے وزیر اعظم ہیں جنہوں نے متحدہ عرب امارات کا دورہ کیا ہے جبکہ گذشتہ برس دونوں ملکوں کے درمیان معاہدہ ابراہیمی کے تحت تعلقات معمول پر لانےکے منظوبے پر دستخط کیے گیے تھے جس میں سابق امریکی صدر ڈونلڈ ٹرمپ نے ثالثی کا کردار ادا کیا تھااورجس کے بعد سے اب تک دونوں ملکوں کو دوطرفہ تجارت میں صرف 2021 میں تقریباً 500 ملین ڈالر کے فائدے حاصل ہوئے ہیں۔