(روزنامہ قدس ۔آن لائن خبر رساں ادارہ) دونوں امریکی اتحادی ملک گزشتہ برس تعلقات معمول پر لانے کے معاہدے کے بعد سے اب تک سفارتی اور تجارتی میدانوں میں ہی آگے بڑھے تھے تاہم اب یہ تعلقات عسکری سطح پر بھی سامنے آگئے ہیں۔
عالمی ذرائع ابلاغ کے مطابق گذشتہ روز متحدہ عرب امارات کی جانب سےصہیونی ریاست اسرائیل کی فضائی افواج کے درمیان دوطرفہ تعاون کے فروغ کیلیے اماراتی فضائیہ کے کمانڈر میجرجنرل ابراہیم ناصرمحمد علوی نے اسرائیل کا دورہ کیا تاہم ملاقات کے حوالے سے اس امر کی وضاحت نہیں کی گئی کہ دونوں ملکوں کی فضائیہ میں کیا دوطرفہ تعاون ہوسکتا ہے۔
متحدہ عرب امارات کےکمانڈر کی آمد کی اہمیت کے حوالے سے ان کے صہیونی ہم منصب جنرل امیکم نورکن نےسماجی رابطوں کی ویب سائٹ ٹوئٹرپر اپنے ٹویٹ میں کہا ہے کہ "یہ ہماری فضائیہ کے درمیان مستقبل میں تعاون کے لیے واقعی ایک تاریخی دن ہے۔”
واضح رہے کہ دونوں امریکی اتحادی ریاستیں گزشتہ برس تعلقات معمول پر لانے کے معاہدے کے بعد سے اب تک سفارتی اور تجارتی میدانوں میں ہی آگے بڑھے تھے تاہم اب یہ تعلقات عسکری سطح پر بھی سامنے آگئے ہیں۔