دو روزہ خطاطی ورکشاپ عشق رسول و حمایت فلسطین لاہور میں شروع ہو گئی

• (روز نامہ قدس ۔آنلائن خبر رساں ادارہ) فلسطین فاؤنڈیشن پاکستان کے زیر اہتمام لاہور میں پنجاب انسٹیٹیوٹ آف لینگویج، آرٹ اینڈ کلچر گیلری میں دو روزہ خطاطی ورکشاپ بعنوان عشق رسول و حمایت فلسطین کا آغاز ہو گیا ہے۔

خطاطی ورکشاپ میں لاہور بھر سے مختلف اداروں کے طلباء و طالبات شریک ہیں جبکہ سینئر خطاط شفقت علی اعوان، بن قلندر، عرفان قریشی، واجد علی اور دیگر بھی شریک ہیں۔

دو روزہ خطاطی ورکشاپ میں شرکاء و خطاط اپنے مخصوص فن سے پیغمبر اکرم صلی اللہ علیہ وسلم سے عشق و محبت سمیت فلسطینیوں کے ساتھ محبت کا اظہار احادیث نبوی کی خطاطی کی صورت میں کریں گے۔ ورکشاپ کے اختتام پر خطاطی کے نمونوں کی نمائش بھی آویزاں کی جائے گی