(روز نامہ قدس ۔آنلائن خبر رساں ادارہ ) اسرائیلی فوج نے قلندیا کیمپ پر تشدد کارروائی کے دوران فلسطینی کے گھر پر دھاوا بولا اور گھر میں موجود قیمتی سامان کی توڑپھوڑ کے ساتھ لوٹ مار کی۔
اطلاعات کے مطابق آج علی الصبح صیہونی فوج کی بھاری نفری نے مقبوضہ بیت المقدس کے شمال میں واقع قلندیہ کیمپ میں حراست میں لیے گئے فلسطینی قیدی محمدمصطفی ابو رمز کے مکان میں تلاشی کی آڑ میںگھس کر خواتین اور بچوںکو زدو کوب کیا اور گھر کے قیمتی سامان کو توڑ پھوڑ کر تے ہوئے تباہ کردیا۔
عینی شاہدین کا کہنا ہے کہ قابض فوجی اہلکاروں کی بھاری نفری محمد مصطفی ابو رمز کے گھر کا محاصرہ کرتے ہوئےگھرکا گیٹ اوردیواریں پھلانگ کر اندر داخل ہوئی اور گھر میں موجود خواتین اور بچوں کو زدوکوب کیا جبکہ ان کی املاک کو بری طرح سے نقصان پہنچایا۔