(روزنامہ قدس ۔آن لائن خبر رساں ادارہ) قیدی کلب نے مطالبہ کیا کہ اس سے پہلےکہ بہت دیر ہوجائے اقوام عالم ہنگامی بنیادوں پر فلسطینی قیدیوں کی جانیں بچانے کیلیے صہیونی حکمرانوں پر دباؤ ڈالےاور انہیں اسرائیل کے زندانوں سے آزادی دلائے۔
مقبوضہ فلسطین میں قیدیوں کے امور سے متعلق کمیٹی برائے اسیران کےگذشتہ روز جاری بیان میں ایک بار پھر فلسطینی قیدی بھوک ہڑتالیوں کی زندگی بچانے کے لیے عالمی برادری سے مدد کی اپیل کی گئی ہے۔
قیدی کلب نے صہیونی جیلوں میں آزادی کیلیے جاری تا دم مرگ بھوک ہڑتال کر نے والے فلسطینی قیدیوں کی رہائی کیلیے عالمی برادری کی مداخلت کی اپیل کی ہے اور مطالبہ کیا ہے کہ اس سےپہلےکہ بہت دیر ہوجائے اقوام عالم ہنگامی بنیادوں پر فلسطینی قیدیوں کی جانیں بچانے کیلیے صہیونی حکمرانوں پر دباؤ ڈالےاور انہیں اسرائیل کے زندانوں سے آزادی دلائے۔
واضح رہے کہ صہیونی زندانوں میں قید سات فلسطینی قیدی اپنی انتظامی غیر قانونی حراست کے خلاف جاری بھوک ہڑتال کےباعث صہیونی ہسپتالوں میں زندگی اور موت کی جنگ لڑ رہے ہیں اور کسی بھی وقت موت کے منہ میں جا سکتے ہیں۔