(روز نامہ قدس ۔آنلائن خبر رساں ادارہ ) ایران کا کہنا ہے کہ صیہونی ریاست کی دہشتگردی کا جواب قانونی طورپر دے رہےہیں 60 فیصد یورینیئم کی افزودگی بڑھانے کا فیصلہ نطنزکی جوہری تنصیب پر اسرائیل کی’جوہری دہشتگردی’ کا ردعمل ہے۔
ایران کے نطنز کی جوہری تنصیب پر اسرائیلی حملے کی تصدیق کے بعد ایرانی صدر حسن روحانی نےفلسطین پرقابض صیہونی ریاست کو مخاطب کرتے ہوئےکہا ہے کہ 60 فیصد تک یورینیئم کی افزودگی کو بڑھانے کا فیصلہ نطنز کی جوہری تنصیب پر صیہونی ریاست اسرائیل کی جوہری دہشت گردی کا ردعمل ہے تہران جدیدسنٹری فیو جز اب زیادہ بہتر یورینیم تیار کرے گا جو اسرائیل کے بدنما کردار کا جواب ہے جس پر اسرائیل نے کہا تھا کہ وہ جوہری دہشت گردی تھی اور جو ہم کر رہے ہیں وہ قانونی ہے۔
دوسری جانب ایران کی جانب سے نطنز کے جوہری پلانٹ پر حملے کے بعد یورینیئم افزودگی کو 60 فیصد تک بڑھانے کے اعلان پر سعودی عرب نے تشویش کا اظہارکرتے ہوئے عالمی برادری سے مطالبہ کیا ہے کہ ایران کو جوہری ہتھیاروں کے حصول سے ہر صورت روکا جائے۔
سعودی وزارت خارجہ کی جانب سے جاری کردہ بیان میں ایران کو جوہری پروگرام پر خبردار کرتے ہوئے کہا ہےکہ ایران جوہری معاہدوں، عالمی برادری کے توقعات اور پابندیوں کی پاسداری کرے ورنہ خطے کا امن خطرے میں پڑجائے گا، بیان میں عالمی برادری سے مطالبہ کیا گیا ہے کہ ایران کو مقررہ حد سے زیادہ یورینیئم افزودگی سے روکا جائے اور عالمی جوہری معاہدے پر عمل کرانے پر مجبورکیا جائے۔