بغداد – (روزنامہ قدس ـ آنلائن خبر رساں ادارہ) عراق کی "اسلامی مزاحمت” نے ایک ہی دن کے دوران عراق اور خطے میں قائم امریکی فوجی اڈوں کو نشانہ بناتے ہوئے 31 عسکری کارروائیاں کرنے کا اعلان کیا ہے۔
مزاحمتی گروپ نے آج بدھ کے روز جاری کردہ ایک بیان میں کہا ہے کہ اس کے مسلح ونگز نے گذشتہ چوبیس گھنٹوں کے دوران عراق اور خطے میں قابض افواج کے اڈوں کے خلاف 31 کارروائیاں کیں جن میں درجنوں ڈرون طیارے اور میزائل استعمال کیے گئے۔
بیان میں مزید کہا گیا ہے کہ اس طرح جنگ کے آغاز سے اب تک گذشتہ 12 دنوں کے دوران مجموعی کارروائیوں کی تعداد 291 ہو گئی ہے، جن کے نتیجے میں تیرہ امریکی ہلاک اور درجنوں زخمی ہوئے ہیں جن میں سے بعض کی حالت تشویشناک ہے۔
یہ حملے خطے میں جاری مسلسل عسکری کشیدگی کے سائے میں کیے جا رہے ہیں، جو گذشتہ 28 فروری سے ایران کے خلاف امریکہ اور قابض اسرائیل کی شروع کردہ جنگ کے بعد پیدا ہوئی ہے۔ اس صورتحال نے غاصب صہیونی ریاست اور اس کے سرپرستوں کی جانب سے فلسطینیوں اور خطے کے عوام کی نسل کشی اور مظالم کے خلاف مزاحمت کی لہر کو مزید مہمیز دی ہے۔
