(روزنامہ قدس ـ آنلائن خبر رساں ادارہ) آلبانیز، اقوام متحدہ کی خصوصی رپورٹ رائٹر برائے امور فلسطین نے روزنامہ "المصری الیوم” کو انٹرویو دیتے ہوئے خبردار کیا کہ جو کوئی یہ سمجھتا ہے کہ مصر قابض ریاست کے اہداف میں شامل نہیں وہ سخت غلط فہمی میں مبتلا ہے۔
انہوں نے خطے میں صہیونی سفاکانہ جارحیت کی طرف اشارہ کرتے ہوئے کہاکہ ظالم و جابر فوج نے شام اور لبنان پر بمباری کی اور دونوں ریاستوں کے علاقوں میں جابرانہ قبضہ بھی کرلیا، یہ سمجھنا کہ مصر، عراق، اردن اس طرزِ عمل سے محفوظ رہیں گے یہ ایک سنگین غلطی ہوگی۔ ایک ایسا ملک جو کھلم کھلا بین الاقوامی قوانین کی خلاف ورزی کرتا ہے اس کی نظر میں کوئی بین الاقوامی سرحد اہمیت نہیں رکھتی۔
آلبانیز نے اس کا واحد حل عرب ممالک کے اتحاد اور ان کی جدوجہد کے انضمام کو قرار دیا اور زور دیاکہ عرب ممالک کو اپنی تاریخی روایت کی طرف لوٹنا چاہیے، جہاں وہ اس ایسے نظام کے خلاف متحد ہوتے تھے جو باقاعدگی سے جرائم کا ارتکاب کرتا ہے۔
